主页 > Q生活播 >《大卫雷斯 v.s. 基斯甸臣 >

《大卫雷斯 v.s. 基斯甸臣

2020-05-27 责任编辑:

《原创文章 欢迎转载 请列明出处 谢谢》-请支持蓝狮 Facebook专页-《大卫雷斯 v.s. 基斯甸臣 按此观看图片 .图片来源 : Sokkaa自干地上任后,将三中坚元素完美注入到车路士既体系裏面,激活左一众后防老将就好似大卫雷斯、加利卡希尔哩啲12年欧冠队成员,而针对三中坚入面中间哩个位置,喺今季主要由基斯甸臣所担任,但似乎哩位丹麦小将既状态不稳以及缺少左一啲大卫雷斯能够比到球队既特质,导致车路士今季喺各项赛事上出现唔少进退失据既情况,一齐了解一下。上季季初转会窗结束前,车路士因为求购巴黎圣日门既马昆奴斯不果,结果退而求其次选择再次将大卫雷斯第二次带回史丹福桥,哩单交易当时并唔被外界睇好,始终年纪大左而且去左法甲既哩几季都无乜实质进步表现到出黎,番到黎继续伙拍泰利、卡希尔就只会比起离开前组成一条更老更慢既防线。开季后,得出黎既效果的确係意料之内,两名中坚速度唔够而且合作性唔高,引致失球出现同埋输波收场。干地喺连续输左比利物浦同阿仙奴两场强强对碰既赛事后立即转阵,安排大卫雷斯为中坚中,伙拍卡希尔及艾斯派古达组成三后卫防线,巴西人除左负责协调后两者以及互相补位外,最重要既就係拥有用波能力,大卫雷斯既加盟正正弥补到车路士缺乏用波型中坚(ball-playing centre backs),而干地所用既三后卫阵式当中必需至少有一人拥有此能力,利用佢成为进攻既第一点将个波有效地运用,负责控制、协调中后场传送及直接将皮球透过长传快速送到前线作攻势。大卫雷斯除左喺攻势上带动车路士外,佢喺防守上既特质亦係其他后防球员所缺少的,古有双中坚「一标一包」,而巴西人正正係典型既「标波者」,反观基斯甸臣佢同卡希尔一样都係主要以包位补位为主,面对对手时经常一路后退向后缩,虽然你可能会话大卫雷斯经常「标失波」,但係一条防线定必要有唔同元素同特质既球员所组成,每个球员都总有优点缺点。自经历过去两季外借德甲既慕逊加柏后,基斯甸臣今季终于成功晋身车路士一队名单,与此同时由于适逢大卫雷斯经常受伤患所困扰,引致好快得到常任正选机会,但在缺少竞争以及泰利果种「以老带新」既成长下,基斯甸臣近期场上既表现明显不在状态,各项赛事上都交唔出具说服力既表现,当然,球员亦十分年轻,需要时间吸收经验,在成长过程中定必遇上唔少失误。依加只希望既係大卫雷斯尽快复出,无论喺操练或比赛上都带到一啲新冲击比基斯甸臣,在互相竞争既情况下对球队黎讲绝对有正面既帮助。文章最后更新时间 : 21/03/2018 16:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关阅读